جیل میں قید صنم جاوید خطرناک بیماری میں مبتلا

لاہور( ڈیلی پوائنٹ ) 9 مئی کے کیسز میں جیل میں قید تحریک انصاف کی رہنما صنم جاوید کا خطرناک بیماری میں مبتلا ہونے کاانکشاف ہوا ہے۔
صنم جاوید کے والد جاوید اقبال نے گوجرانوالا کی انسداد دہشت گردی عدالت میں بیٹی کے علاج کی درخواست دائر کردی۔
درخواست گزار کے مطابق بیٹی صنم جاوید کی آنکھوں میں انفیکشن ہوگیا ہے، ان کا علاج کرایا جائے۔
عدالت کے جج نے درخواست پر سپرنٹنڈنٹ جیل سے رپورٹ طلب کرلی ہے۔
عدالت کی جانب سے کہا گیا ہے کہ سپرنٹنڈنٹ جیل 27 جون کو رپورٹ جمع کرائیں۔
یاد رہے کہ صنم جاوید 9 مئی کے مقدمے میں جسمانی ریمانڈ پر ہیں۔