ہانیہ عامر اور بھارتی گلوکار بادشاہ کا نام ایک بار پھر ایک ساتھ

(ڈیلی پوائنٹ) پاکستان کی معروف ادکارہ ہانیہ عامراور انڈین گلوکار اور ریپر آدتیہ پرتیک سنگھ سسودیا عرف بادشاہ کا نام کافی عرصے سے ایک ساتھ جوڑاجارہاہے.اس باربھارتی گلوکاربادشاہ نے ہانیہ عامرکے حق میں بیان دے کر ثابت کیا کہ ہانیہ عامر صرف ان کی اچھی دوست ہی نہیں ہیں بلکہ وہ ان کے بہت بڑے مداح بھی ہیں۔
حال ہی میں بادشاہ نے بی بی سی ایشیا کے لیے ریکارڈ کروائے گئے پوڈکاسٹ میں شرکت کی جہاں انہوں نے پاکستانی اداکارہ سے متعلق پوچھے گئے سوالوں کے درست جوابات دیئے۔بھارتی گلوکار نےصرف سٹھ سیکنڈز میں10 سوالوں میں سے 9 کے درست جوابات دے کر ثابت کردیا کہ وہ ہانیہ عامر کے اچھے دوست ہی نہیں بلکہ ان کے بہت بڑے مداح بھی ہیں اور کا کام بھی شوق سے دیکھتے ہیں۔
واضح رہے کہ گزشتہ کچھ عرصے سے ہانیہ عامر اور بھارتی گلوکار بادشاہ کی دوستی کے خوب چرچے سوشل میڈیا پر خوب ہو رہے ہیں۔پھر چاہے دبئی میں سیر سپاٹے کی تصاویر ہوں یا پھر بادشاہ کا ہانیہ کے لیے خاص کنسرٹ منعقد کرنا یا پھر اداکارہ کو ذہنی تناؤ سے ریسکیو کرنے کی خاطر چندیگڑھ سے دبئی پہنچنا، ہر موقع مداحوں کی توجہ حاصل کرلیتا ہے۔