(ڈیلی پوائنٹ) ارشد ندیم کی زندگی پر فلم اداکار کون ہو گا؟ پیرس اولمپکس میں ارشد ندیم نے جیولین تھرو کے مقابلے میں 92.97 کی طویل تھرو کرکے اولمپک گیمز کی تاریخ میں ریکارڈ قائم کرتے ہوئے گولڈ میڈل اپنے نام کیا جب کہ نیرج چوپڑا نے سلور میڈل اپنے نام کیا ہے۔اس کامیابی کے بعدارشد ندیم میڈیا اور سوشل میڈیا پر چھائے ہوئے ہیں.
سوشل میڈیا پر جیولین تھرو کے مقابلے کے میڈلز کی تقسیم کی تقریب کے بعد نیرج چوپڑا اور ارشد ندیم سے لیے گئے ایک انٹرویو کی ویڈیو وائرل ہو رہی ہے جس میں میزبان نیرج سے سوال کرتے ہیں۔اینکر نے پوچھا کہ اگر ارشد ندیم کی زندگی پر فلم بنتی ہے تو آپ اُن کے کردار کے لیے کس اداکار کا انتخاب کریں گے؟
نیرج چوپڑا نے اس سوال کا جواب دیتے ہوئے کہا کہ ارشد ندیم کے کردار کے لیے ایسے اداکار کا انتخاب کرنا چاہیے جس کا قد لمبا ہو، اگر فلم بھارت میں بنتی ہے تو میرا انتخاب ‘امیتابھ بچن’ ہوں گے۔
اینکر نے یہی سوال جب ارشد ندیم سے پوچھا تو اُنہوں نے نیرج چوپڑا کے کردار کے لیے شاہ رخ خان کا انتخاب کیا۔
ارشد ندیم کی زندگی پر فلم اداکار کون ہو گا؟
