اداکارہ صاحبہ کا لہنگا خاندان کی کتنی خواتین نے پہنا:اداکارافضل خان کا انکشاف

(ڈیلی پوائنٹ)پاکستان شوبز انڈسٹری کے سینئر اداکار افضل خان المعروف ریمبو نے شادی پر خریدے جانے والے مہنگے جوڑے پر اپنے خیالات کا اظہار کیا ہے۔اداکار افضل خان نے کہا کہ شادی کیلئے دلہن کے جوڑے کی قیمت اب لاکھوں میں پہنچ گئی ہے جس کے باعث کافی لوگوں کیلئے خوبصورت جوڑا لینا ان کی استطاعت سے باہر ہوگیا ہے۔اب دولہن کا ایک جوڑا لاکھوں میں آتا ہے.
اداکار افضل خان نے کہا کہ انہوں اپنی اہلیہ اداکارہ صاحبہ کیلئے اس وقت 75 ہزار روپے کا جوڑا خریدا تھا، اور میری بیوی کا جوڑا خاندان کی 3 دیگر خواتین نے اپنی شادی پر پہنا تھا اور وہ اسی جوڑے میں دلہن بنی تھیں۔انہوں نے اپنی بات کو جاری رکھتے ہوئے کہا کہ وہ تینوں خواتین اپنی اپنی زندگی میں بہت خوش اور کامیاب زندگی گزار رہی ہیں۔ویسے بھی شادی کا جوڑاایک ہی دفعہ پہنا جاتا ہے.
اس کے بعد وہ رکھا رہتا ہے اور رکھے رکھے ہی خراب ہو جاتا ہے، اس سے بہتر ہے کسی کو پہننے کیلئے دے دیا جائے۔