اسلام آباد(ڈیلی پوائنٹ)پاکستان پیپلز پارٹی کے چیئرمین بلاول بھٹو کو بڑا اعزاز مل گیا ہے. امریکی نومنتخب صدر کی حلف برداری کی تقریب میں بلاول بھٹو کو بھی مدعو کیا گیا ہے جس کا دعوت نامہ ان کو موصول ہو گیا ہے.
ذرائع نے بتایاکہ بلاول بھٹو زرداری آئند چند دنوں میں امریکا روانہ ہوں گے۔ ذرائع کا کہنا ہے کہ بلاول واشنگٹن میں ٹرمپ کی حلف برداری اور دیگر تقاریب میں شرکت کریں گے۔ذرائع کے مطابق بلاول بھٹو زرداری کو ذاتی حیثیت میں دعوت دی گئی ہے۔
خیال رہے کہ امریکا کے نومنتخب صدر ڈونلڈ ٹرمپ کی صدارتی حلف برداری 20 جنوری کو ہوگی جس میں دنیا بھر سے سربراہان مملکت اور دیگر نمائندے شرکت کریں گے۔
امریکی صدر کی تقریب حلف برداری بلاول بھٹو کو دعوت نامہ مل گیا
