نامور بالی وڈ اداکار منوج کمار انتقال کر گئے

(ڈیلی پوائنٹ)پاکستان میں پیدا ہونے والے بھارت کے نامور اداکار منوج کمار انتقال کر گئے ہیں.بھارتی میڈیا کے مطابق اداکار منوج کمار کو طبعیت خراب ہونے پر ممبئی کےکوکیلا بین دھیرو بائی امبانی اسپتال میں داخل کرایا گیا تھا، جہاں دل سے متعلق پیچیدگیوں کی وجہ سے جمعہ کی صبح ان کا انتقال ہوگیا۔
میڈیا رپورٹس کے مطابق ڈاکٹرز کی جانب سے جاری کردہ سرٹیفیکیٹ میں پھپڑوں کی خرابی بھی اداکار کی موت کی وجہ بتائی گئی ہے۔اداکار کی موت پر فلم انڈسٹری کے ساتھ بھارت کے وزیراعظم نریندر مودی نے بھی گہرے دکھ کا اظہار کیا ہے۔
واضح رہے کہ اداکار منوج کمار پاکستان کے صوبے خیبرپختونخوا کے علاقے ایبٹ آباد میں 4 جولائی 1937 کو پیدا ہوئے تھے. ا نہوں نے 1957 میں بالی وڈ کی فلم فیشن سے ڈیبیو کیا تھا، 1965 میں ان کی فلم گمنام اتنی ہٹ ہوئی کہ کھڑکی توڑ بزنس کیا اور 2.6 کروڑ روپے کمائے۔
منوج کمار نے 87برس کی عمر میں وفات پائی ہے.