(ڈیلی پوائنٹ) بالی وڈاداکار جس نے دوفلموں کے بعد کروڑوں کی کمپنی بنا لی
بالی وڈ کے کئی اداکار ایسے جنہوں نے شوبز کے ذریعے بہت پیسہ کمایا اور کچھ ایسے بھی ہیں جنہوں نے شوبز کو چھوڑ کر اپنا بزنس شروع کیا تو آج وہ کروڑوں کے مالک ہیں.معروف گلوکار عاطف اسلم کی آواز میں گایا گیت ’جینے لگا ہوں پہلے سے زیادہ‘تو آپ لوگوں نے سن رکھا ہو گا ،لیکن یہاں ذکر گیت کا نہیں بلکہ اس پر اداکاری کرنے والے اداکار سے متعلق ہے۔
مذکورہ گیت 2013 میں ریلیز ہونے والی فلم ’رامیا وستاویا‘ کا ہے، اور اس فلم سے ہی اداکار گریش کمار نے اپنے فلمی کیریئر کا آغاز کیا۔ اس فلم میں انہوں نے اداکار کمل ہاسن کی بیٹی شروتی ہاسن کے ساتھ مرکزی کردار ادا کیا۔ اس کے بعد انہوں نے 2016 میں ایک اور فلم کی اور پھر انڈسٹری کو خیرباد کہہ کر کے کارپوریٹ کی دنیا میں قدم رکھا اور آج ایک بڑی کاروباری شخصیت بن گئےہیں۔
بھارتی میڈیا رپورٹس کے مطابق گرش فلم پروڈیوسر کمار ایس ترانی کے اکلوتے بیٹے ہیں اور ان کی ٹپس فلمز کے نام سے بھارت کی بڑی میوزک اور فلم پروڈکشن کمپنی ہے، گرش والد اور چچا کے ہمراہ فیملی بزنس سنبھال رہے ہیں اور وہ اس وقت ٹپس فلمز کے چیف آپریٹنگ آفیسر ہیں۔بھارتی میڈیا رپورٹس کےمطابق بالی وڈ اداکار کا کمپنی میں اہم عہدہ ہے
اور رواں سال کے جاری اعداد و شمار کے مطابق ان کی کمپنی کی مارکیٹ ویلیو 10 ہزار 517 کروڑ بھارتی روپے ہے۔رپورٹس کے مطابق گرش کمار کی دولت صورت کم نہیں ہے، ان کے اثاثوں کی مالیت 1900 کروڑ بھارتی روپے کے اثاثے رکھنے والے عامر خان سے بھی زیادہ ہے۔بھارتی میڈیا کا کہنا ہے کہ رنبیر کپور کے اثاثوں کی مالیت 400 کروڑ بھارتی روپے، ورون دھون 380 کروڑ بھارتی روپے،
جبکہ رنویر سنگھ 245 کروڑ بھارتی روپے کے اثاثوں کے مالک ہیں لیکن گرش کمار کے اثاثوں کی مالیت 2164 کروڑ بھارتی روپے ہے۔
