اداکارہ بشریٰ انصاری نے سردیوں میں جلد کو نرم ملائم بنانے کا نسخہ بتا دیا

(ڈیلی پوائنٹ)پاکستان شوبز کی سینئر اداکارہ بشریٰ انصاری سردیوں میں جلد کو چمکدار اور نرم و ملائم بنانے کا گھریلو نسخہ بتادیا.حال ہی میں اداکارہ بشریٰ انصاری ایک مارننگ شو میں شریک ہوئیں جہاں انہوں نے مختلف موضوعات پر گفتگو کی، ساتھ ہی اداکارہ بشریٰ انصاری نے اپنی جلد کی خوبصورتی کا راز بھی بتا دیا۔
بشریٰ انصاری نے بتایا کہ وہ بچپن سے ہی اس نسخے کے بارے میں سنتی آ رہی ہوں ، میں خود بھی استعمال کرتی ہوں،ماضی کی اداکارئیں بھی اس نسخے کو استعمال کرتی تھیں، جس وجہ سے ان کی جلد اتنی نرم ملائم اور سردیوں میں بھی تروتازہ رہتی تھی.ان کی جلد اتنی لچکدار اور بےداغ ہوا کرتی تھی۔
اداکارہ نے بتایا کہ گلیسرین میں تھوڑا سالیموں کا رس اور عرق گلاب ملا کر اسے اچھی طرح مکس کر کے ایک شیشی میں بھر کر رکھ لیں.مسچرئزر کے طور پر دن رات بس اسے ہاتھوں گردن اور چہرے پر استعمال کریں۔بشریٰ انصاری نے یہ بھی بتایا کہ ان دنوں وہ ایک بائیو آئل استعمال کر رہی ہیں
جس کیلئے وہ وٹامن ای کے کیپسول میں کھوپرے کا تیل، گلیسرین اور کاسٹر آئل شامل کر کے اسے مکس کر کے استعمال کرتی ہیں جس سے انہیں کسی ہائلارانک ایسڈ کی ضرورت نہیں پڑتی اور ان کی جلد ہائڈریٹ رہتی ہے۔