کراچی(ڈیلی پوائنٹ)حکومت سندھ کا نوجوانوں کو ماحول دوست ٹیکسیاں آسان اقساط پر دینے کا فیصلہ سامنے آیاہے. کراچی میں ای وی ٹیکسی اسمبل کرنے والی کمپنی کے حکام نے سینئر وزیر شرجیل انعام میمن سے ملاقات کی، کمپنی حکام نے انہیں ماحول دوست ای وی ٹیکسیز کے حوالے سے تفیصلی بریفنگ دی۔
ترجمان حکومتِ سندھ کے مطابق سندھ کے بیروزگار نوجوانوں کو آسان اقساط پر جلد ای وی ٹیکسی فراہم کرنے کا فیصلہ کیا گیا ہے۔ اس حوالے سے شرجیل میمن نے سیکریٹری ٹرانسپورٹ کو مختلف بینکوں سے رابطوں اور مختلف مالیاتی ماڈلز تیار کرنے کی ہدایات کر دی ہے۔
ان کا کہنا ہے کہ بے روزگار افراد کو آسان پر ای وی ٹیکسیاں فراہم کرنا چاہتے ہیں، چاہتے ہیں کہ بے روزگار افراد پائیدار انداز میں اپنی روٹی کما سکیں، ماحول دوست ای وی ٹیکسیاں حکومتِ سندھ کے سر سبز سندھ کے عزم کے مطابق ہیں۔
حکومت کا ماحول دوست ٹیکسیاں نوجوانوں کو آسان اقساط پر دینے کا فیصلہ
