سونے کی قیمت میں نیا ریکارڈ بن گیا

کراچی(ڈیلی پوائنٹ)سونے کی قیمت میں نیا ریکارڈ بننے کا سلسلہ جاری ہے. آل پاکستان جیمز اینڈ جیولرز ایسوسی ایشن کے مطابق آج بھی سونے کی فی تولہ قیمت میں 200 روپے کا اضافہ ہوا ہے۔
اضافے کے بعد ملک میں فی تولہ سونے کی قیمت 2 لاکھ 92 ہزار 400 روپے کی بلند ترین سطح پر جاپہنچی ہے۔
ملک میں 10 گرام سونے کی قیمت بھی 171 روپے اضافے سے 2 لاکھ 50 ہزار 685 روپے ہے۔عالمی مارکیٹ میں بھی سونے کی قیمت 2 ڈالر اضافے سے 2799 ڈالر فی اونس ہے۔