سونے کی قیمت میں اتار چڑھاؤ کے بعد آج کمی ہو گئی

کراچی(ڈیلی پوائنٹ)سونے کی قیمت میں اتار چڑھاؤ جاری ہے آج سونے کی قیمت میں کمی واقع ہوئی ہے. آل پاکستان جیمز اینڈ جیولر ایسوسی ایشن کے مطابق ایک تولہ سونے کی قیمت 900 روپے کم ہوئی ہے جس کے بعد ملک میں سونے کا فی تولہ بھاؤ 2 لاکھ 83 ہزار 400 روپے ہوگیا ہے۔
ایسو سی ایشن کا بتانا ہے کہ 10 گرام سونے کی قیمت 771 روپےکم ہوکر2 لاکھ 42ہزار 970 روپے ہے۔ عالمی بازار میں فی اونس سونا9 ڈالرکم ہوکر2739 ڈالرکا فروخت ہورہا ہے۔یاد رہے کہ گزشتہ روز ملک بھر میں سونے کی قیمت میں 2 ہزار روپے کا اضافہ ہوا تھا۔