(ڈیلی پوائنٹ)کراچی کے اسٹنٹ کمشنر ہاظم بنگواراپنی منفرد شخصیت کی وجہ سے پاکستان میں تو مقبول ہیں ہی لیکن اب وہ بھارت میں بھی سب کی توجہ کا مرکزبن رہےہیں.کراچی کے اسٹنٹ کمشنر ہاظم بنگوارجنھوں نے اپنے فیشن میں دلچسپی کی وجہ سے بھی شہرت حاصل کی تھی، لیکن اب پاکستان کے ساتھ ساتھ بھارت میں بھی ان کی فیشن سینس کے چرچے ہو رہے ہیں.
بھارت میں مشہور شوبز شخصیات کی خبریں دینے والے مشہور پیپرازی وائرل بھایانی نے اپنے انسٹاگرام اکاؤنٹ پر ہاظم بنگوار کی ایک تقریب میں شرکت کی ویڈیو اپ لوڈ کی ہے۔شیئر کی گئی اس وڈیومیں مشہور پیپرازی وائرل بھایانی نے ہاظم بنگوار کے فیشن سینس کو سراہا
بھایانی نے اپنی شیئر کی گئی ویڈیو کے کیپشن میں لکھا ہے کہ ’’اسٹائل اور سبسٹینس کے ساتھ دقیانوسی تصورات کو توڑتے ہاظم بھنگوار! کراچی کے اسسٹنٹ کمشنر ہاظم بنگوار سے ملیں، جو صرف ایک لیڈر ہی نہیں بلکہ اسٹائل آئیکون، گلوکار اور نغمہ نگار بھی ہیں۔ یہ ثابت کرتا ہے کہ آپ ہر اس شعبے میں سبقت لے سکتے ہیں جس کے بارے میں آپ پرجوش ہیں‘‘۔
ہاظم بنگوار نے اسسٹنٹ کمشنر بننے کے بعد اپنے عوامی کاموں سے تو شہرت حاصل کی ہی تھی، لیکن ان کی وجہ شہرت ان کا منفرد انداز اور سیاست سے بالکل ہٹ کر فیشن میں دلچسپی رکھنا بنا تھا۔اسسٹنٹ کمشنر کو ماضی میں بھی دنیا بھر سے سوشل میڈیا پر پذیرائی ملتی رہی ہے اور اب بھارت کے یوٹیوبرز اور وی لاگرز بھی ان کی صلاحیتوں کے معترف ہورہے ہیں۔
مذکورہ ویڈیو پر مداحوں نے ہاظم کےلیے نیک خواہشات کا اظہار کیا ہے۔
کراچی کے اسٹنٹ کمشنر ہاظم بنگواربھارت میں کیسے مقبول ہوئے
