عمران خان کو ہاؤس ریسٹ کی آفر دی گئی فیصل چوہدری کا بڑا دعویٰ

اسلام آباد(ڈیلی پوائنٹ)عمران خان کے وکیل فیصل چوہدری نے دعویٰ کیا ہے کہ بانی پی ٹی آئی عمران خان کو بنی گالہ منتقلی کی آفردی گئی ہے. اڈیالہ جیل کے باہر میڈیا سے گفتگو کرتے ہوئے فیصل چوہدری کا کہنا تھا توشہ خانہ ٹو جھوٹے کیسز کی سیریز میں سے ایک کیس ہے، بانی پی ٹی آئی کے خلاف پہلے چار فیصلوں جیسا فیصلہ ہی 190 ملین پاؤنڈ ریفرنس کا بھی ہوگا۔
فیصل چوہدری نے یہ بھی کہا کہ عمران خان نے سابق وزیر اعلی گلگت بلتستان کو سزا ملنے پر افسوس کا اظہار کیا ہے. عمران خان کے وکیل کا کہنا تھا حکومت کے ساتھ مذاکرات میں 9 مئی اور 26 نومبر کے معاملات پر جوڈیشل کمیشن کا مطالبہ کر رہے ہیں، مذاکراتی کمیٹی میں اسیران کی رہائی کا بھی مطالبہ کررہے ہیں۔