جنت مرزا پھر نمبرون ، سب اداکاراؤں کو پیچھے چھوڑ دیا

لاہور( ڈیلی پوائنٹ )ٹک ٹاک فالوورز میں اضافے کے بعد جنت مرزا پاکستان کی وہ پہلی شخصیت بن گئی ہیں جنہیں کسی سوشل میڈیا پلیٹ فارم پر 25 ملین صارفین نے فالو کیا ہوا ہے۔
ٹک ٹاکر نے اپنی اس کامیابی پر خوشی کا اظہار کرنے کے لیے اپنے آفیشل انسٹاگرام ہینڈل کی اسٹوری میں اپنے ٹک ٹاک اکاؤنٹ کا اسکرین شاٹ شیئر کیا۔
اُنہوں نے کہا کہ ٹک ٹاک پر 25 ملین فالوورز حاصل کرنا میرے لیے ایک بڑا سنگِ میل ہے، میں بہت زیادہ خوش ہوں۔
جنت مرزا نے اپنی ٹک ٹاک فیملی سے مخاطب ہوتے ہوئے مزید کہا کہ جو بھی میرے 25 ملین فالوورز کا حصہ ہیں، میں اُن سب سے بہت محبت کرتی ہوں۔
پاکستان کی نمبر ون ٹک ٹاک اسٹار کے مداح ناصرف اٴْنہیں ٹک ٹاک پر فالو کرتے ہیں ،بلکہ سوشل میڈیا سائٹ انسٹاگرام پر موجود جنت مرزا کے اکاونٹ کو بھی صارفین کی بڑی تعداد نے فالو کیا ہوا ہے۔انسٹاگرام پران کے مداحوں کی تعداد 5 ملین سے زائد ہے، جبکہ اُن کے یوٹیوب چینل پر دو لاکھ 22 ہزار سبسکرائبرز ہیں۔
واضح رہے کہ پاکستانی اداکاراؤں میں سوشل میڈیا پر سب زیادہ مقبول اداکارہ ہانیہ عامر ہیں، جن کے انسٹاگرام پر 14 ملین سے زائد فالوورز ہیں، جبکہ عائزہ خان انسٹاگرام پر 14 ملین فالوورز کے ساتھ دوسرے نمبرپرہیں۔