حکومت یا اسٹیبلشمنٹ کسی سے کوئی مذاکرات نہیں‌ہو رہے عمر ایوب

اسلام آباد(ڈیلی پوائنٹ)پاکستان تحریک انصاف کے رہنما عمر ایوب کا کہنا ہے کہ حکومت یا اسٹیبلشمنٹ کسی سے کوئی مذاکرات نہیں‌ہو رہے. حکومت بات چیت کرنے میں‌سنجیدہ نظر نہیں‌آتی. انسداد دہشت گردی عدالت راولپنڈی کے باہر میڈیا سے غیر رسمی گفتگو کرتے ہوئے عمر ایوب نے کہا کہ جس وقت یہ سنجیدہ ہوں گے پھر دیکھیں گے، انہیں معلوم ہے کہ ہم کہاں پر ہیں۔
صحافی نے سوال کیا کہ مولانا فضل الرحمٰن، اختر مینگل، پیر پگاڑا اور اچکزئی کو جیل ملاقات کے لیے بلایا گیا؟ جس پر عمر ایوب نے کہا کہ مجھے اس متعلق کوئی معلومات نہیں ہے۔
5 اکتوبر ہنگامہ آرائی اور توڑ پھوڑ کیس میں انسداد دہشت گردی عدالت کے جج امجد علی شاہ نے اپوزیشن لیڈر عمر ایوب کی عبوری ضمانت میں توسیع کر دی۔عدالت نے 24 نومبر تک تفتیش مکمل کرکے رپورٹ پیش کرنے کا حکم دیا۔ تفتیش مکمل نا ہونے پر دلائل کا آغاز نہیں ہوسکا۔