حنا الطاف سے میں علیحدہ ہونے کاکبھی تصور بھی نہیں کرسکتا تھا :آغاعلی

(ڈیلی پوائنٹ) پاکستان شوبزانڈسٹری کی مقبول جوڑی آغاعلی اور حناالطاف کے درمیان علیحدگی کی خبریں پیچھلے 2 سالوں سے زیرِ گردش تھیں ،مگر ان دونوں میں سے کسی نے بھی اس کی تصدیق نہیں کی.تاہم اب آغا علی کی جانب سے میزبان احمد علی بٹ کے پوڈکاسٹ میں اپنی طلاق کی تصدیق کی ہےجس کے ویڈیو کلپس سوشل میڈیا پلیٹ فارمز پر وائرل ہیں۔
انٹرویو کے آغاز پر احمد علی بٹ نے آغا کو مخاطب کرتے ہوئے کہا ‘ہیپیلی ڈیوورس مین، آپ کے کیا حال ہیں؟’ اس طرح مخاطب کیے جانے پر آغا علی قہقہہ لگاکر ہنسے اور جواب دیا کہ آپ نے ایک دم کسی کو اونچائی سے نیچے پٹخ دیا۔احمد علی نے کہا یہ آپ کی ذاتی زندگی ہے اور آپ دونوں ہی بہت پیارے اور خوش اخلاق انسان ہیں، جو بھی ہوا یہ بدقسمتی تھی لیکن زندگی نہیں رُکتی وہ چلتی رہتی ہے.
آغا علی نے کہا زندگی مشکل ہے لیکن کیا کہہ سکتے ہیں، میرے خیال میں زندگی کا کوئی بھی رشتہ ہو اس کو قائم رکھنے کے لیے آپ کو جی جان لگاکر پوری کوشش کرنی چاہیے اور دعا کرنی چاہیے لیکن اگر چیزیں درست سمت میں نہ ہوں تو رشتہ ختم کردینا چاہیے۔اداکار نے کہا اچھی چیز یہ ہے کہ ہم دونوں کبھی ایک دوسرے کی عزت کرنا نہیں چھوڑیں گے،اکثر جب رشتہ ختم ہوتا ہے تو لوگ ایک دوسرے کی عزت نہیں کرتے ۔
واضح رہے کہ رواں برس اگست میں مارننگ شو میزبان مدیحہ نقوی نے اپنے شو میں حنا اور آغا کی طلاق کی تصدیق کی تھی لیکن بعدازاں انہوں نے اپنے بیان کی تردید کرتے ہوئے کہا تھا کہ ان کی زبان پھسل گئی تھی۔آغا علی اور حنا الطاف کی شادی کووڈ کے دوران مئی 2020 میں ہوئی تھی جب کہ 2022 میں ان کے درمیان علیحدگی کی افواہیں گردش کرنے لگیں جسے آغا علی نے مسترد کردیا تھا۔اب خود ہی اس کی تصدیق کی ہے.