ماہرہ خان کے لیے کوئی معافی نہیں،دعا ہے کہ وہ فلم میں فٹ ہو جایئں:خلیل الرحمان قمر

(ڈیلی پوائنٹ)ڈرامہ رائٹر خلیل الرحمان قمر اور ماہرہ خان کے درمیان بیان بازی تو اکثر سوشل میڈیا کی زینت بنتی رہتی ہے.اب خلیل الرحمن قمر نے اپنے بیان میں کہا ہے کہ ماہرہ خان کیلئے کوئی معافی نہیں ہے اور نہ ہی ان سے میں کبھی بات کروں گا۔خلیل الرحمان قمر اور ماہرہ خان کے درمیان جھگڑا اس وقت دیکھنے میں آیا جب 2020 میں ایک شو کے دوران خلیل الرحمان نےسماجی رہنما ماروی سرمد کے لیے نامناسب زبان کا استعمال کیا.
جس پر ماہرہ خان نے ٹوئٹ کرتے ہوئے خلیل الرحمان قمر کو تنقید کا نشانہ بنایا
تھا۔اس کے بعد سے خلیل الرحمان قمر اکثر ہی ماہرہ خان سےاپنی نارضگی کا اظہار کرتے رہتے ہیں.ایک انٹرویو میں خلیل الرحمان قمر نے اپنے ڈرامے میں ماہرہ کی کاسٹ کو گناہ تک قرار دیا تاہم 2024 میں انہوں نے اپنی لکھی گئی فلم میں ماہرہ کو کاسٹ کیے جانے کا انکشاف کیا تھا۔
میڈیا رپورٹس کے مطابق خلیل الرحمان کی لکھی گئی فلم ’مرزا جٹ‘ میں ماہرہ خان بھی ہمایوں سعید سمیت دیگر اداکاروں کے ساتھ جلوہ گر ہوں گی۔ فلم اور اس کی کاسٹ میں شامل ماہرہ خان کے حوالے سے خلیل الرحمان قمر کا کہنا تھا کہ چاہتا ہوں ماہرہ میری فلم کے کردار میں فٹ ہوجائے لیکن ان کیلئے کوئی معافی نہیں نہ ہی میں ان سے کبھی بات کروں گا ۔ سوال کے جواب میں خلیل الرحمان قمر نے کہا کہ میرا مسئلہ یہی ہے کہ جو خواتین ہیں وہ وہیں نظر آئیں۔