(ڈیلی پوائنٹ)پاکستان کی سپرسٹار ماہرہ خان کا اپنے شوہر سے متعلق دیا گیا جواب اس وقت سوشل میڈیا پر وائرل ہے.حال ہی میں لندن میں پاکستانی شوبز انڈسٹری کے سب سے بڑے ایوارڈ شو کی تقریب کا انعقاد ہوا تھا جس میں فلم، ڈرامہ، میوزک اور فیشن انڈسٹری سے وابستہ فنکاروں نے شرکت کی تھی۔اس ایوارڈ شو کی تقریب میں ماہرہ خان نے اپنے شوہر سلیم کریم کے ہمراہ شرکت کی.
جہاں میزبان نے ماہرہ خان سے انوکھا سوال پوچھا کہ شاہ رخ خان، فواد خان، ہمایوں سعید یا آپ کا شوہر، کون سب سے زیادہ رومانوی ہیرو ہیں؟جس کے جواب میں ماہرہ خان نے کہا کہ شاہ رخ خان، فواد خان اور ہمایوں سعید کو میرے ساتھ رومانس کے لیے اسکرپٹ کی ضرورت ہوتی ہے لیکن میرے شوہر کو کسی اسکرپٹ کی ضرورت نہیں۔اداکارہ کا جواب سن کر تقریب میں بیٹھے لوگوں نے تالیاں بجا کر ماہرہ خان کو سراہا۔
واضح رہے کہ ماہرہ خان نے اکتوبر 2023 میں اپنے قریبی دوست سلیم کریم کے ساتھ دوسری شادی کی تھی۔ماہرہ خان کی پہلی شای سال 2007 میں علی عسکری کے ساتھ ہوئی تھی جن سے اداکارہ کا ایک بیٹا اذلان بھی ہے لیکن اُن کی پہلی شادی صرف 8 سال تک رہ سکی اور 2015 میں طلاق ہوگئی تھی۔
