نواز شریف کے پوتے کا ولیمہ تیاریاں مکمل کر لی گئیں

لاہور(ڈیلی پوائنٹ)نواز شریف کے پوتے کا ولیمہ تیاریاں مکمل کر لی گئیں ہیں. سابق وزیر اعظم نواز کے پوتے اور حسین نواز کے صاحبزادے زید حسین نواز کی شادی خانہ آبادی 27 دسمبر اور ولیمہ 29 دسمبر کو لاہور میں ہوگا.
اس سلسلے میں رائے ونڈ کو مکمل طور پر سجا دیا گیا ہے. زید حسین کا نکاح اور رسم حنا 25 دسمبر کو ہوگی، نکاح کی تقریب میں 500 جبکہ ولیمہ میں 700 افراد کو مدعو کیا گیا ہے۔ شادی کی تقریبات میں امریکا، برطانیہ، سعودی عرب، قطر، عرب امارات اور بھارت سے مہمان آئیں گے۔
شادی میں شرکت کیلئےحسین نواز، ان کی فیملی اور ان کی بہن عاصمہ نواز بھی پاکستان پہنچ گئے ہیں، مہمانوں کی سیکیورٹی کا انتظام پنجاب پولیس کرے گی۔رائے ونڈ میں جاتی عمرہ جانے والے راستوں کی آرائش کا کام جاری ہے، سڑک کے اطراف درختوں کو لائیٹں لگا کر نمایاں کیا جار رہا ہے جبکہ جگہ جگہ پھولوں کے گملے بھی رکھ دیے گئے ہیں۔