پاکستان میں پیٹرولیم مصنوعات کی قیمتوں میں اضافے کا امکان

(ڈیلی پوائنٹ)پاکستان میں‌پیٹرولیم مصنوعات کی قیمتوں میں اضافے کا امکان ظاہر کیا جا رہا ہے. پیٹرول کی قیمتوں میں 3سے 4روپے اضافے کا امکان ہے. روس، ایران پر مزید امریکی پابندیوں کے خدشات سے عالمی منڈی میں تیل کی قیمتوں میں 4 فیصد اضافہ ہوا ہے۔
عالمی میڈیا کے مطابق تیل کی قیمتوں میں 4 فیصد سے زیادہ کا اضافہ ہوا اور یہ اکتوبر کے بعد سے بلند ترین سطح پر پہنچ گئیں کیونکہ تاجروں نے روس پر مزید پابندیوں کے باعث سپلائی میں ممکنہ خلل پر توجہ مرکوز رکھی۔
برینٹ کرُوڈ کے سودے 3.50 ڈالر یعنی 4.6 فیصد، بڑھ کر 80.42 ڈالر فی بیرل پرطے پائے جو 7 اکتوبر کے بعد پہلی بار 80 ڈالر فی بیرل کی سطح پر پہنچے ہیں۔ امریکی ویسٹ ٹیکساس انٹرمیڈیٹ کرُوڈ کے سودے 3.57 ڈالر، یعنی 4.8 فیصد بڑھ کر 77.49 ڈالر پر ہوئے۔پیٹرولیم مصنوعات کی قیمتوں میں اضافہ امریکی کی روسی تیل پر پابندیاں ہیں.