کراچی (ڈیلی پوائنٹ )کراچی جوڈیشل مجسٹریٹ جنوبی نے دوسری شادی کرنے پر پہلی بیوی کی درخواست پر شوہر جوشوا کو 3 سال قید کی سزا اور 30ہزار جرمانہ عائد کردیا۔
گزشتہ روزجوڈیشل مجسٹریٹ جنوبی میں دوسری شادی کرنے پر پہلی بیوی کے شوہر پر کیس کی سماعت ہوئی، پہلی بیوی کے ہوتے ہوئے دوسری شادی شوہر کو مہنگی پڑ گئی۔
پہلی بیوی نے شوہر کو جیل پہنچا دیا،وکیل مدعی نے موقف اختیار کرتے ہوئے بتایا کہ کرسچن میرج ایکٹ کے تحت شوہر نکاح پر نکاح نہیں کرسکتا۔
سلیم مائیکل ایڈووکیٹ نے کہا ملزم نے شادی شدہ ہو کر دوسری شادی کی جو کہ غیر قانونی ہے،ملزم جوشوا کے خلاف محمودآباد تھانے میں پہلی بیوی نے مقدمہ درج کرایا تھا۔
ملزم کے خلاف مقدمہ درج کرنے کا حکم بیوی کی درخواست پر عدالت نے دیا تھا۔ملزم جوشوا کو کرسچن میرج ایکٹ کے تحت سزا سنائی گئی۔
عدالت نے پہلی بیوی کی درخواست پر شوہر ملزم جوشوا کو کرسچن میرٹ کے تحت 3 سال قید کی سزا سناتے ہوئے30 ہزار جرمانہ عائد کردیا۔
دوسری شادی،پہلی بیوی کی درخواست پرشوہر کو3سال قید
