سینیٹرپی پی پی رہنما مسلم لیگ ن میں شامل

لاہور(ڈیلی پوائنٹ)پاکستان پیپلز پارٹی (پی پی پی) کے سینیٹر وقار احمد نے شہباز شریف سے ملاقات کے بعد پاکستان مسلم لیگ ن میں شمولیت کا اعلان کردیا ہے۔پریس کانفرنس میں سینیٹر اور سابق وزیر وقار احمد نے کہا کہ بی بی شہید کے بعد پارٹی میں لوگوں کے تعلقات کی حیثیت تبدیل ہوگئےہیں۔
سابق اراکینِ پارلیمنٹ مخدوم مبین عالم، مسعود عالم اور دیگر کی جانب سے بھی بھی ن ليگ میں شمولیت کا اعلان کیا گیا ہے۔پی پی پی رہنماؤں کی ن لیگ میں شمولیت کے موقع پر پاکستان ن لیگ کے صدرشہباز شریف نے کہا کہ ن لیگ انتخابات میں کامیابی کے بعد عوام کو معاشی ترقی کا تحفہ دے گی۔
ان کا کہنا تھا کہ نواز شریف کی قیادت میں وفاق اور اکائيوں کے وسائل میں اضافہ ہوا وفاق کی نمائندگی مضبوطی اور ترقی ن لیگ کا مشن ہے۔
یاد رہے کہ گزشتہ ڈیڑھ سال سے پی ڈی ایم نے ملکر پاکستان پر حکومت بنائی مگر اب انتخابی مہم میں مسلم لیگ ن اور پیپلز پارٹی ایک دوسرے پر مختلف الزامات اور تنقید کر رہے ہیں۔