(ڈیلی پوائنٹ)پاکستانی معروف اداکار و فلمساز شہریار منور کی شادی کی تقریبات کا آغاز ہوتے ہی، ڈھولکی کی ویڈیو اور تصاویر سوشل میڈیا پر وائرل ہونے لگی ہیں.ایک تصاویر میں وہ اپنی دولہنیاکے ساتھ بیٹھے ہیں.حسیناؤں کے دلوں پر راج کرنے والے شہریار منور کے حوالے سے رواں سال جون میں یہ خبر سامنے آئی تھی کہ وہ دسمبر میں شادی کرنے والے ہیں،لیکن انہوں نے اپنی دولہن کے حوالے سے کوئی بات نہیں کی تھی.
اب فوٹو اینڈ ویڈیو شیئرنگ پلیٹ فارم انسٹاگرام پر اداکار شہریار منور اور اداکارہ ماہین صدیقی کی شوبز فنکاروں سے سجی ڈھولکی کی تصاویر اور وڈیوز وائرل ہو رہی ہیں۔وائرل ویڈیو میں شہریار منور کو ماہین صدیقی کے ہمراہ بیٹھے پاکستانی گلوکار جمی خان کی موسیقی انجوائے کرتے دیکھا جاسکتا ہے۔ویڈیو میں شہریار منور کتھئی جبکہ ماہین صدیقی زرد جوڑا اور بالوں میں گجرے لگائے ہوئے ہیں اور جمی خان کی گلوکاری سے دونوں ہی لطف اندوز ہو رہے ہیں۔
ان کی ڈھولکی کی تقریب میں ماہرہ خان، عاصم اظہر، مومل شیخ، عاصم رضا اور دیگر شخصیات شریک تھیں۔دونوں کی شادی کی تقریبات کی ویڈیوز اور تصاویر مختلف سوشل میڈیا پیجز کی جانب سے شیئر کی گئیں ہیں، یاد رہے اس سے پہلے شہریار منور نے متعدد بار اپنی شادی کا تو بتایا لیکن کبھی اپنی دلہن کا نام نہیں بتایا ،تاہم اداکارہ ماہین صدیقی کی سالگرہ کے موقع پر انہوں نے اداکارہ کے لیے ’جان‘ کا لفظ استعمال کیا تھا جس کے بعد اداکار کا نام ان کےساتھ جوڑا جانے لگا تھا۔
شہریار منور کی دولہن کون؟ تصاویر اور وڈیوزسوشل میڈیا پر وائرل
