(ڈیلی پوائنٹ) پاکستان کی مشہوراداکارہ دانیہ انور نے انکشاف کیا کہ وہ معروف اداکار کی بہوہیں.حال ہی میں رئیلٹی شو تماشا کے سیزن 3 میں حصہ لینے والی اداکارہ دانیہ انور نے ایک نجی ٹی وی شو میں اپنی ذاتی زندگی کے حوالے سے بات کرتے ہوئے، ماضی میں طلاق کے تجربے اور اس کے بعد سماجی ردعمل پر کھل کرگفتگو کی اور یہ بھی بتایا کہ اب کس مشہور اداکارکی بہوہیں.
دانیہ انور کا کہنا تھا کہ یک طرفہ محبت بے کار ہے اور انہوں نے اپنی زندگی میں دو بار محبت کا تجربہ کیا۔ دونوں بار انہوں نے اپنے جذبات کا براہ راست اظہار کیا۔ پروگرام کے میزبان عمران اشرف نے ان سے اجازت مانگ کر مداحوں کو بتایا کہ وہ لیجنڈری ندیم بیگ کی بہو ہیں۔دانیہ نے بھی اس بات کی تصدیق کی جس کا ویڈیو کلپ سوشل میڈیا پر وائرل ہے۔
دانیہ انور نے شو میں خوشی کا اظہار کرتے ہوئے بتایا کہ پہلے شوہر سے علیحدگی کے بعد ان کے دوسرے شوہر فرحان بیگ نے ان کی زندگی میں محبت کی اہمیت دوبارہ قائم کی اور وہ زندگی کی طرف واپس آئیں۔یہاں یہ بات بھی قابلِ ذکر ہے کہ دانیہ انور کی ندیم بیگ کے بیٹے فرحان بیگ سے یہ دوسری شادی ہے اور ان کی پہلے طلاق ہوچکی ہے۔
