(ڈیلی پوائنٹ)پاکستان کےسینئراداکار خالد انعم نے پاکستان کی عالیشان شادیوں کو دیکھتے ہوئے تبصرہ کیا کہ پاکستان کی معاشی صورتحال کے باوجود یہاں پر شادیوں میں بے تحاشہ پیسہ خرچ کیا جاتا ہے.اداکار نے لکھا کہ پاکستان کی شادیاں، شاپنگ مالز اور ریسٹورینٹ دیکھ کر لگتا ہے کہ یہ ملک امریکا، جرمنی اور جاپان کو قرضہ دیتا ہے۔خالد انعم نے کہا کہ پاکستان میں ہر بندہ اپنی چادر سے دو سو فٹ باہر ہے۔
خالد انعم نے اپنی انسٹا پوسٹ میں لکھا ہے کہ پیسے اتنے کمائیں کہ جب آپ بیمار ہوں تو بچے ڈاکٹر بلائیں وکیل نہیں۔
دوسری جانب سوشل میڈیا صارفین نے اداکار کے ان خیالات سے اتفاق کیا۔
خالد انعم ملک کے موجودہ حالات اور سماجی مسائل کے بارے میں سوشل میڈیا پر اکثر ہی دلچسپ انداز میں اپنے خیالات کا اظہار کرتے رہتے ہیں جنہیں سوشل میڈیا صارفین کی جانب سے پسند کیا جاتا ہے۔
