(ڈیلی پوائنٹ) عید الاضحی کیلئے جانوروں کی خرید و فروخت کا سلسلہ جاری ہے۔ میٹروپولیٹین کارپوریشن کا اسلام آباد میں 6 مویشی منڈیاں لگانے کا فیصلہ کر لیا گیا۔ اسلام آباد میں 3 بڑی اور 3 چھوٹی مویشی منڈیاں لگائی جائیں گی۔ سنگجانی، آئی پندرہ اور آئی بارہ میں بڑی مویشی منڈیاں لگائی جائیں گی۔ بارہ کہو، سلطانہ فاونڈیشن اور ایکسپریس وے پر چھوٹی منڈیاں لگائی جائیں گی۔
مویشی منڈیاں یکم ذی الحج سے 13 ذی الحج تک لگائی جائیں گی۔ بڑے جانور کی فیس 500 روپے، چھوٹے جانور کی فیس 250 روپے وصول کی جائے گی۔ مویشی منڈیوں کیلئے کھلی نیلامی 9 مئی کو ڈی ایم اے آفس میں ہوگی۔
