پاکستان کرکٹ ٹیم میں آپریشن کلین اپ کی تیاریاں مکمل

لاہور( ڈیلی پوائنٹ ) ٹی 20 ورلڈ کپ میں ناقص کرکارکردگی کے بعدکوچ گیری کرسٹن کی رپورٹ سامنے آنے کے بعد قومی ٹیم میں بڑا آپریشن کلین اپ کیا جائے گا
آئی سی سی مینز ٹی 20 ورلڈ کپ میں پاکستانی کرکٹ ٹیم کی بدترین کارکردگی اور پہلے راؤنڈ سے ہی آؤٹ ہونے کے بعد کرکٹ ٹیم شدید تنقید کی زد میں ہے۔
وہیں چیئرمین پاکستان کرکٹ بورڈ محسن نقوی کو قومی ٹیم کے ہیڈ کوچ گیری کرسٹن کی رپورٹ کا انتظار ہے۔
ذرائع کے مطابق گیری کرسٹن کی رپورٹ سامنے آنے کے بعد قومی ٹیم میں بڑا آپریشن کلین اپ کیا جائے گا۔
رپورٹ میں کہا گیا ہے کہ چئرمین پی سی بی فیصلوں کا اعلان جلد پریس کانفرنس میں کریں گے۔
واضح رہے T20 ورلڈ کپ سے باہر ہونے کے بعد ہیڈ کوچ گیری کرسٹن نے کھلاڑیوں کے ایک دوسرے کے ساتھ بات نہ کرنے اور دیگر مسائل سے متعلق حیران کن انکشافات کیے تھے، ساتھ ہی بھارت کے خلاف میچ ہارنے کے بعد چیئرمین پی سی بی کا بیان بھی سامنے آیا تھا کہ قومی ٹیم کو سرجری کی ضرورت ہے۔