لاہور(ڈیلی پوائنٹ)میری پوری ٹیم بہت ہی محنتی ہے ان سب کو دل سے شاباش دینا چاہتی ہوں یہ کہنا ہے پنجاب کی وزیر اعلیٰ مریم نواز کا جنھوں نے اعلیٰ سطح کے اجلاس کی صدارت کی.انھوں نے کہا کہ بڑی عید پر پورے پنجاب کے بڑے شہروں میں صفائی کے بہترین انتظامات پر بہت خوش ہوں.
اجلاس کے اعلامیے کے مطابق مریم نواز نے عید پر عمدہ کارکردگی پر ڈپٹی کمشنرز اور ان کی ٹیموں کو سراہا۔اس موقع پر گفتگو کرتے ہوئے مریم نواز نے کہا کہ اسی جوش و جذبے سے عوام کی خدمت کا سفر جاری رہنا چاہیے، ہر ڈسٹرکٹ میں عید کی طرح مانیٹرنگ کے لیے مستقل کنٹرول روم ہونا چاہیے، عوامی نمائندوں اور عوام کی طرف سے عید کی صفائی پر مثبت رد عمل آیا۔
مریم نواز کا کہنا ہے کہ قائد محمد نواز شریف نے خود وزٹ کر کے انتظامات کا جائزہ لیا اور سراہا، وزیرِ اعظم محمد شہباز شریف کی تعریف ہمارے لیے اعزاز کی بات ہے۔
میری ٹیم بہت ہی محنتی ان کو شاباش دیتی ہوں مریم نواز
