معروف پاکستانی اداکارہ کے گھر صف ماتم بچھ گیا

کراچی( ڈیلی پوائنٹ) پاکستانی شوبز انڈسٹری کی معروف میزبان اور اداکارہ مایا خان کے گھر صف ماتم بچھ گیا، والدہ خالقِ حقیقی سے جا ملیں۔
مایا خان نے فوٹو اینڈ ویڈیو شیئرنگ ایپ انسٹاگرام کی اسٹوری میں اپنی والدہ کے انتقال کی افسوسناک خبر شیئر کی۔
اداکارہ نے اپنی انسٹاگرام اسٹوری میں کہا کہ میری جنت، میری ماں، اب اللہ تعالیٰ کے حوالے ہیں۔
اُنہوں نے بتایا کہ اُن کی والدہ کی نمازِ جنازہ جمعے کی نماز کے بعد عثمان غنی مسجد میں ادا کردی گئی۔
مایا خان نے اپنے دوستوں اور مداحوں سے درخواست کی کہ وہ اُن کی مرحومہ والدہ کی مغفرت کے لیے دُعا کریں۔
اداکارہ کی والدہ کے انتقال پر شوبز شخصیات اور مداحوں کی جانب سے گہرے دُکھ کا اظہار کیا جارہا ہے۔