بھارت کے اداکار نرمل بینی دنیا سے چل بسے

ممبئی(ڈیلی پوائنٹ)بھارت کی شوبز انڈسٹری کے معروف اداکار نرمل بینی دل کا دورہ پڑنے سے چل بسے. بھارت کی ملیالم فلم انڈسٹری کے 37 سالہ اداکار نرمل بینی کی اچانک موت ہوگئی.بھارتی میڈیا کے مطابق نرمل بینی کو گزشتہ روز کیرالہ کے شہر تھرواننت پور میں اُن کی رہائش گاہ پر دل کا دورہ پڑا۔
رپورٹ میں بتایا گیا کہ اچانک دل کا دورہ پڑنے کی وجہ سے 37 سال اداکار اسپتال پہنچنے سے پہلے ہی دُنیا سے کوچ کرگئے، اُنہوں نے اپنی رہائش گاہ پر ہی اپنی زندگی کی آخری سانسیں لیں۔پروڈیوسر سنجے نے اپنے بیان میں گہرے دُکھ اور افسوس کا اظہار کرتے ہوئے نرمل بینی کی موت کی تصدیق کی۔