انڈسٹری میں میرے لمبےبال سب کے لیئےمسئلہ ہیں:اداکارہ نعیمہ بٹ

لاہور(ڈیلی پوائنٹ)خوبصورت اور لمبے بالوں والی پاکستانی اداکارہ نعیمہ بٹ نے انکشاف کیا ہے کہ مجھے انڈسٹری میں کئی بار بال کٹوانےکو کہا کیا ہے، لیکن میں اپنے بال کسی صورت نہیں کٹواؤں گی۔ نعیمہ بٹ کے لمبے، خوبصورت بال سب کی توجہ کا مرکز بنے رہتے ہیں، اس حوالے سے اداکارہ نے ایک انٹرویو میں بات کرتے ہوئے کہا کہ انڈسٹری میں میرے بالوں کا مسئلہ بنارہتاہے۔
اداکارہ نے کہا کہ مجھے کئی بار کہا گیا کہ بال کٹوا لیں، اسٹائلنگ کا مسئلہ ہوتا ہے اور یہ بھی کہا گیا کہ اگر آپ بال کٹوالیں گی تو تھوڑی ماڈرن لگیں گی لیکن میں ان مشوروں پر کان نہیں دھرتی کیونکہ مجھے اپنے بال بہت پسند ہیں اور مجھے لگتا ہے بال میرے لیے بہت خاص ہیں۔نعیمہ بٹ نے اپنی بات کو جاری رکھتے ہوئے بتایا کہ میرے گھٹنے تک لمبے بال تھے.
اداکارہ نعیمہ بٹ نے کہادل پر پتھر رکھ کر میں نے تھوڑے سے بال کٹوائے ہیں، اب میں اپنے بال مزید چھوٹے نہیں کرواؤں گی۔دوسری جانب نعیمہ بٹ کے ساتھ اداکار عماد عرفانی نے بھی انٹریو دیا اور ڈرامے کی سیٹ کے حوالے سے گفتگو کرتے ہوئے بتایا کہ ڈرامے کے سیٹ پر بہت فیملی والا ماحول تھا، کبھی ڈرامے کے ڈائریکٹر تو کبھی سینئر اداکار جاوید شیخ اور بشریٰ انصاری کھانا لاتے تھے۔