پاکستانی ایک جاہل قوم ہیں: اداکارہ امر خان

لاہور(ڈیلی پوائنٹ) پاکستان کی معروف اداکارہ امر خان کے دیئے گئے ایک انٹرویو کے کلپ سوشل میڈیا پر وائرل ہے، جس میں میزبان کیمرے کے پیچھے سے امر خان سے سوال کرتی ہیں کہ انڈسٹری میں سب سے زیادہ اوورریٹڈاورسب سے کم درجہ رکھنے والا اداکار کون ہے، یعنی وہ اداکار جو اتنی شہرت اور کامیابی کا حق دارنہیں تھا۔جواب میں انہوں نے کسی اداکار ک کا نام نہیں لیا
امرخان نے میزبان سے پوچھا، آپ یہ سوال کیوں پوچھ رہی ہیں؟ یہ نہیں پوچھیں کیونکہ آج کل ایسے ہی بہت سارے پروگرامز چل رہے ہیں جس میں اوورریٹڈ ، انڈرریٹڈ، کچرا اداکار سے متعلق دوسرے اداکار تبصرے کرتے ہیں۔امر خان نے کہا دنیا بھر میں کسی بھی ملک میں ایک اداکار دوسرے اداکار پر تبصرہ نہیں کرتا، یہ صرف ہماری انڈسٹری میں ہوتا ہے۔
میزبان نے کہا آپ کو کیوں لگتا ہے کہ ہمارے لوگ یہ سب پسند کرتے ہیں؟
جواب میں اداکارہ نے کہا کہ کیونکہ ہم ایک جاہل قوم ہیں اس لیے،اس سوال کا جواب میں اس سے مختصر اور سیدھا نہیں دے سکتی تھی۔میزبان نے امر خان کا جواب سن کراداکارہ سے کہا کہ یہ اس سوال کا بہترین جواب تھا۔