لاہور(ڈیلی پووائنٹ) پاکستان کی ابھرتی ہوئی اداکارہ شازل شوکت نے ایک لائیو پروگرام میں اپنی محبت کا انوکھے انداز میں اظہار کر کے سب کو حیران کر دیا. اداکارہ نے حال ہی میں نجی ٹی وی چینل کے پروگرام میں شرکت کی، جہاں انہوں نے اپنی نجی زندگی کے حوالے سے کھل کر بات چیت کی۔اداکارہ نے راز فاش کرتے ہوئے بتایا کہ ان کی زندگی میں ایک خاص شخص موجود ہے، جس سے وہ بے پناہ محبت کرتی ہیں.
میزبان کے اصرار پر اداکارہ نے بتایا کہ اس شخص کو ’بے بی‘ کہہ کر مخاطب کرتی ہوں اور دورانِ شو انہوں نے محبت کا اعتراف کرتے ہوئے ’بے بی آئی لو یو‘ کا نعرہ بھی لگایا۔لائیو شو کے دوران شازل شوکت کا یہ بے باک انداز دیکھ کر میزبان نے کہا کہ جس طرح آپ نے لائیو شو میں اظہارِ محبت کیا ہے لگتا ہے چند مہینوں میں شہنائیاں بجنے والی ہیں، جس پر اداکارہ خاموش رہیں اور انہوں نے اثبات میں اپنا سر ہلا کر ہامی بھری۔
شازل شوکت نے اس موقع پر اس خاص شخص کی خوبیاں بھی بیان کیں اور بتایا کہ وہ ہر چھوٹے بڑے شخص کے ساتھ عزت و احترام سے پیش آتا ہے، مجھے اس کی یہی ادا بے حد متاثر کرتی ہے، اس کی جانب متوجہ کرتی ہے کہ وہ ناصرف اپنے اردگرد بلکہ میرے اردگرد موجود تمام افراد کی عزت کرتا ہے اور سب کے ساتھ پیار و محبت سے پیش آتا ہے۔
اداکارہ شازل شوکت کا لائیو شو محبت کے اظہار کا انوکھا انداز:دولہاکون؟
