معروف بھارتی اداکار دم گھٹنے سے چل بسے

لاہور( ڈیلی پوائنٹ )تامل اداکار راگھو بالائیہ المعروف جونیئر بالائیہ 70 برس کی عمر میں چل بسے۔
جونیئر بالائیہ نے اپنی آخری سانسیں چنئی میں لیں۔ بتایا جارہا ہے کہ ان کی موت مبینہ طور پر دم گھٹنے کی وجہ سے ہوئی جبکہ وہ پہلے ہی صحت کے مسائل سے دوچار تھے۔
میڈیا رپورٹس کے مطابق جونیئر بالائیہ کا فلمی کیریئر 4 دہائیوں پر محیط ہے۔ انہوں نے زیادہ تر تامل فلموں میں کام کیا ہے۔ جونیئر بالائیہ کی موت پر فلمی دنیا سے تعلق رکھنے والی شخصیات نے افسوس کا اظہار کیا۔