لاہور(ڈیلی پوائنٹ )سابق چیئرمین پاکستان کرکٹ بورڈ رمیز راجا نے ایک بار پھر اپنے ناقدین کو ہنسنے کا موقع فراہم کردیا۔
مقامی ٹی وی چینل پر گفتگو کرتے ہوئے سابق کرکٹر رمیز راجا نے دعویٰ کیا ہے کہ پرتگال کے اسٹار فٹبالر کرسٹیانو رونالڈو کا ڈائٹ پلان نیشنل ایروناٹکس اینڈ اسپیس ایڈمنسٹریشن کے سائنسدانوں نے تیار کیا ہے۔
سابق کرکٹر کا رونالڈو سے متعلق یہ تبصرہ سوشل میڈیا پر تیزی سے وائرل ہورہا ہے جبکہ صارفین کی جانب سے رمیز راجا پر تنقید بھی کی جارہی ہے۔واضح رہے کہ گزشتہ سال دسمبر میں پرتگال کے کپتان کرسٹیانو رونالڈو نے مانچسٹر یونائیٹڈ چھوڑ کر سعودی عرب کی ٹیم النصر میں شمولیت اختیار کی تھی۔
رونالڈو کاڈائٹ پلان ناسا کے سائنسدان تیار کرتے ہیں،رمیز
