ٹیلی وژن کےمعروف اداکارشوکت زیدی انتقال کر گئے

لاہور(ڈیلی پوائنٹ)ٹیلی وژن کےمعروف اداکار شوکت زیدی 72 سال کی عمر میں گذشتہ شب انتقال کر گئے ہیں۔میڈیا رپورٹس کے مطابق شوکت زیدی پچھلے کچھ عرصے سے گردوں کی بیماری میں مبتلا ہونے کی وجہ سے لاہور کے نجی اسپتال میں زیر علاج تھے۔
اداکاری کے علاوہ و شوکت زیدی 1970 سے 1998 تک صحافت کے شعبے سے بھی وابستہ رہے۔اُنہوں نے بطور مصنف افسانے اور غزلیں لکھنے کے علاوہ 10 سال تھیٹر کے لیے بھی لکھا۔
شوکت زیدی نے بطور اداکار لاتعداد ڈراموں میں بے مثال اداکاری کے جوہر دکھائے مگر ان کو حقیقی شہرت جیو ٹی وی کے شہرۂ آفاق پروگرام ’ہم سب امید سے ہیں‘ سے ملی جس میں انہوں مختلف قسم کے دلچسپ کردار ادا کیے۔
اس شو میں اُنہیں غریب عوام کی نمائندگی کرنے والے شخص کے کردار میں شائقین نے سب سے زیادہ پسند کیا۔ڈرامہ وفا کا موسم میں بھی شوکت زیدی نے اداکاری کے جوہر دکھائے.