ایپل کافلپ آئی فون ماڈلز کی تیاری کافیصلہ

کراچی (ڈیلی پوائنٹ)2007 سے اب تک تمام آئی فون یکساں، اب 2 مختلف ماڈلز پر کام شروع کردیا گیا
ٹیک جائنٹ ’ایپل‘ اب کچھ نیا کرنے کی ٹھانی ہے۔ اسمارٹ فونز کی دنیا میں اپنی برتری منوانے کی غرض سے کمپنی فولڈنگ اسمارٹ فون لانے کی تیاری کر رہی ہے۔
ایپل کی جانب سے دو نئے فولڈنگ اسمارٹ فون تیار کرنے کا عمل شروع کردیا گیا ہے
ڈیزائن کی حتمی منظوری دینے کے بعد اب ان اسمارٹ فونز کی خصوصیات کا تعین کا مرحلہ مکمل کیا جارہا ہے۔
کمپنی چاہتی ہے کہ مارکیٹ میں کچھ نیا پیش کیا جائے۔ یہ نیا فولڈنگ اسمارٹ فون اس نوعیت کے فونز کی مارکیٹ میں انقلاب برپا کرسکتا ہے۔
کمپنی نے ایک بیان میں کہا ہے کہ آئی فون 16 افقی طور پر موڑا جاسکے گا۔ ایسے کم از کم دو ماڈل تیار کیے جارہے ہیں۔ یہ دونوں ماڈلز فلپ فونز کی طرز پر تیار کیے جارہے ہیں۔
کمپنی کے اندرونی ذرائع کا کہنا ہے کہ یہ دونوں ماڈل 2026 سے پہلے مارکیٹ میں نہیں آسکیں گے۔
ایپل کا پہلا آئی فون 2007 میں لانچ کیا گیا تھا۔ تب سے اب تک جتنے بھی آئی فون مارکیٹ میں لائے گئے ہیں وہ سب کے سب یکساں دکھائی دیے ہیں۔