لطیف کھوسہ اور سلمان اکرم راجہ کو گرفتار کر لیا گیا

لاہور(ڈیلی پوائنٹ)پاکستان تحریک انصاف کے رہنما لطیف کھوسہ اور سلمان اکرم راجہ کو مبینہ انتخابی دھاندلی کے خلاف احتجاج کے دوران گرفتار کر لیا گیا۔
ایس پی کینٹ اویس شفیق نے بتایا کہ لطیف کھوسہ کو ڈیفنس روڈ سے گرفتار کیا گیا جبکہ پی ٹی آئی رہنما کے بیٹے شہباز کھوسہ نے بتایا کہ والد حلقے کے عوام کے ساتھ احتجاج کرنے جا رہے تھے، پولیس کی جانب سے گرفتار کی کوئی اطلاع نہیں دی گئی۔
شہباز کھوسہ نے بتایا کہ ہمیں نہیں معلوم لطیف کھوسہ کو کہاں لے کر گئے ہیں، وہ مبینہ انتخابی دھاندلی کے خلاف احتجاج کیلیے جا رہے تھے، معلوم ہوا ہے گرفتاری کے وقت تھانہ کینٹ کے ایس ایچ او موجود تھے۔