شاندار چھکے مارنے پرفخرزمان پرنوٹوں کی بارش

لاہور(ڈیلی پوائنٹ) نیوزی لینڈ کے خلاف اہم میچ میں چوکوں اورچھکوں کی برسات کرنے پر پاکستان کرکٹ بورڈ مینجمنٹ کمیٹی کے چیئرمین ذکا اشرف نےپاکستانی اوپنرفخر زمان کےلیے 10 لاکھ روپے انعام کا اعلان کردیا۔
ترجمان بی سی بی کے مطابق مینجمنٹ کمیٹی کے سربراہ ذکا اشرف نے فخر زمان کو فون کرکے میچ وننگ پرفارمنس پر مبارکباد دیتے ہوئےان کے لیے 10 لاکھ روپے انعام کا بھی اعلان کیا ہے۔ان کا کہنا تھا کہ فخر زمان کی 126 رنز کی ناقابل شکست اننگز کی پرفارمنس پر پوری قوم کو فخر ہے، اوپنر کی لاجواب بیٹنگ نے جیت میں اہم کردار ادا کیا۔
فخر زمان نے پاکستان کیلئے تیز ترین سنچری بناڈالی۔ مزید کہاانگلینڈ کے خلاف اسی جذبے اور جوش کی ضرورت ہوگی۔ذکا اشرف کے مطابق امید ہے کہ پوری ٹیم اچھی کارکردگی کا مظاہرہ کرے گی۔ پاکستان ٹیم میں انگلینڈ کو بھی شکست دینے کی اہلیت ہے۔