باندرہ (ڈیلی پوائنٹ)عامر خان کی بیٹی اِراخان کی شادی کی باضابطہ تاریخ سامنے آگئی ہے۔شادی۳؍جنوری کوممبئی کے ہوٹل تاج لینڈس اینڈ میں ہوگی۔ شادی میں تقریباً900مہمانوں کو مدعو کیا گیا ہے۔
عامر خان کی بیٹی اِراخان کی شادی کی باضابطہ تاریخ استقبالیہ۱۳؍جنوری کو ممبئی کے مشہور جیو ورلڈ سینٹر میں منعقد کیا جائے گا۔استقبالیہ کےکارڈ سامنے آگئے ہیں۔ ذرائع کے مطابق عامر کے قریبی دوستوں سلمان خان اورشاہ رخ خان کو بھی مدعو کیا گیا ہے۔ عامر خان نےاب تک جن تمام ہدایت کاروں کے ساتھ کام کیاہےوہ اس شاندار شادی میں شرکت کریں گے۔
شادی ہوٹل کے سی سائیڈ لان میں ہوگی:.
شادی ممبئی کے مشہور فائیو اسٹار ہوٹل تاج لینڈس اینڈ میں ہوگی۔ یہ ہوٹل بینڈ اسٹینڈ، باندرہ میں ہے۔ خاص بات یہ ہے کہ یہ مقام سلمان اور شاہ رخ کےگھر کے قریب ہے۔ شادی کا پورا فنکشن تاج لینڈسی اینڈکے سمندری کنارے کے لان میں منعقدہوگا۔فلمی دنیا کے کئی واقعات اس میں رونما ہوتےرہتےہیں ۔ پرینکا چوپڑا کا استقبالیہ بھی یہیں منعقد ہوا تھا۔
استقبالیہ اور بھی شاندار ہونے جا رہا ہے۔ یہ فنکشن ممبئی کےمشہور جیوورلڈ سینٹر میں رات8 بجےسےہوگا۔ جیو ورلڈ سینٹر ممبئی کے مشہور بی کے سی علاقےمیں ہے۔یہاں اس فنکشن کے لیے جو بال روم بک کیا گیا ہے، وہاں بیک وقت 3ہزار افرادموجود ہو سکتے ہیں۔ یہ بال روم جیو ورلڈ سینٹرکی تیسری منزل پر ہے۔یہ تیسری منزل 32 ہزار 280مربع فٹ پر پھیلی ہوئی ہے۔
ہلدی کی رسم شروع ہو گئی
ارا کی شادی کی رسومات منگل سے شروع ہو گئی ہیں۔ عامر خان کی سابقہ بیویاں رینا دتہ اور کرن راؤ کو ایک ساتھ دیکھاگیا۔ ہلدی کی تقریب میں ہر کوئی نوواری ساڑی (مہاراشٹرین ساڑی)پہنے ہوئے دیکھا گیا۔ ویسے اس رسم میں صرف خواتین ہی نظر آئیں ۔یہ پہلے ہی طے ہے کہ ارا کی شادی مہاراشٹرین رسم و رواج کے مطابق ہوگی۔رسومات کے درمیان شادی کے لیے پرجوش ارا خان نے اپنے انسٹاگرام پر ایک پوسٹ شیئرکیاہے جس میں انھوں نے لکھا ہے ’برائڈ ٹو بی(ہونے والی دلہن)‘۔ارا اپنے دیرینہ بوائےفرینڈ سے شادی کیلئےبہت پرجوش نظر آرہی ہیں۔
ارا کے ہونے والے شوہر نوپور شکھرے کون ہیں ؟
17اکتوبر1985ءکوپیدا ہونے والی نوپور شکھرےپیشے کے لحاظ سے ایک مشہور فٹنس ٹرینرہیں۔ ان کا خاندان پونے میں رہتا ہے، جہاں ان کی ماں ڈانس ٹیچر ہوا کرتی تھیں ۔ نوپور گزشتہ کئی سال سے ممبئی میں رہ رہےہیں ۔کچھ سال پہلے نوپور ارا کےفٹنس ٹرینر تھے۔دونوں ایک ساتھ وقت گزارتے ہوئے محبت میں گرفتار ہو گئےجس کے بعد نومبر 2022ء میں نوپور نے ایک تقریب کے دوران ارا کو شادی کی پیشکش کی اورانگوٹھی پہنائی۔ اس کے بعدارا نے سوشل میڈیا کے ذریعے اپنی منگنی کا اعلان کیا۔
عامر خان کی بیٹی کی شادی 13 جنوری کو ہوگی
