اینٹی کرپشن کے اختیارات محدود،کارروائی اجازت سے مشروط

لاہور(ڈیلی پوائنٹ )اینٹی کرپشن پنجاب کے اختیارات محدود، سرکاری افسران کی گرفتاری سے قبل اجازت لینا ہوگی۔نگران پنجاب حکومت نے ڈائریکٹر جنرل اینٹی کرپشن کے اختیارات محدود کر دیے۔
گورنر پنجاب بلیغ الرحمان کی منظوری کے بعد محکمہ قانون نے گزٹ نوٹیفیکیشن جاری کر دیا جس کے مطابق اینٹی کرپشن کو سرکاری ملازمین کے خلاف مقدمہ درج کرنے سے قبل متعلقہ اتھارٹی سے اجازت لینا ہو گی۔اعلامیے کے مطابق اعلیٰ سرکاری افسر کے خلاف مقدمات کے لیے 3 رُکنی کمیٹی فیصلہ کرےگی۔سرکاری ملازمین کی گرفتاریوں کے لیے بھی متعلقہ محکموں کے سربراہوں سے اجازت لی جائے گی۔