آپ راضی ہو گئے ہیں ملازمت کی توسیع کے لیے؟ صحافی کا چیف جسٹس سے سوال

اسلام آباد(ڈیلی پوائنٹ) رانا ثناء اللہ کہتے ہیں کہ آپ مدت ملازمت کی توسیع کے لیے راضی ہوگئے ہیں؟چیف جسٹس آف پاکستان قاضی فائز سے صحافی نے سوال کیا . چیف جسٹس پاکستان قاضی فائز عیسیٰ نے ایک بار پھر وضاحت کی ہے کہ وہ اپنی مدت ملازمت میں کسی قسم کی توسیع نہیں چاہتے۔
صحافیوں سے غیر رسمی گفتگو کے دوران ایک صحافی نے کہا راناثناءاللہ کہہ رہے ہیں اگر تمام جج صاحبان کی عمر بڑھا دی جائے تو آپ بھی ایکسٹینشن لینے پر متفق ہیں، جس پر جسٹس قاضی فائز عیسیٰ نے جواب دیا رانا ثناءاللہ کو میرے سامنے لے آئیں۔
چیف جسٹس قاضی فائز عیسیٰ کا کہنا تھا ایک میٹنگ ہوئی تھی جس میں اعظم نذیر تارڑ، جسٹس منصور علی شاہ اور اٹارنی جنرل موجود تھے، میٹنگ میں رانا ثناءاللہ موجود نہیں تھے، میٹنگ میں بتایا گیا تمام چیف جسٹس صاحبان کی مدت ملازمت میں توسیع کر رہے ہیں، میں نے کہا کہ باقیوں کی کر دیں، میں مدت ملازمت میں توسیع قبول نہیں کروں گا، مجھے تو یہ بھی نہیں پتہ کل میں زندہ رہوں گا بھی یا نہیں۔