کراچی(ڈیلی پوائنٹ )بھارتی اداکارہ ایشوریا رائے سے متعلق متنازعہ بیان پاکستان کے سابق آل راونڈر عبد الرزاق کی جانب سے دیا گیا ہے۔سابق فاسٹ بالر شعیب اختر نے سوشل میڈیا پلیٹ فارم ‘ایکس پر لکھا کہ عبدالرزاق کو اس قسم کا بیان نہیں دینا چاہیے تھا۔ان کا کہنا تھا کہ عبدالرزاق کو اس قسم کا مذاق یا موازنہ نہیں کرنا چاہیے تھااورکسی بھی عورت کو اس طرح بے عزت نہیں کیا جا سکتا ہے۔
I highly condemn the inappropriate joke/comparison made by Razzaq.
No woman should be disrespected like this.
People seated beside him should have raised their voice right away rather than laughing & clapping.— Shoaib Akhtar (@shoaib100mph) November 14, 2023
جس وقت عبدالرزاق نے یہ کمنٹ دیا تھا اس وقت اسٹیج پر ان کے ساتھ سابق کپتان شاہد آفریدی بھی موجود تھے جو اس کمنٹ پر اپنی ہنسی نہیں چھپا سکے تھے۔
شعیب اختر کے خیال میں اسٹیج پر بیٹھے افراد کو اس بیان کی مذمت کرنی چاہیے تھی۔
ایونٹ کے ایک دن بعد جب ایک ٹی وی شو پر شاہد آفریدی سے اس حوالے سےسوال کیا گیا تو ان کا کہنا تھا کہ رزاق کی بات ان کی سمجھ میں نہیں آئی تھی انہیں بعد میں اندازہ ہوا کہ وہ غلط بات پر ہنس گئے۔ شاہد آفریدی کا مؤقف تھا کہ انہیں کلپ دیکھنے کے بعد بہت عجیب لگا اور وہ رزاق سے کہیں گے کہ وہ اس بیان پر معافی مانگیں۔
اسی شو پر موجود سابق ٹیسٹ کرکٹر مشتاق احمد نے بھی اپنے سابق ساتھی کی بات پر حیرت کا اظہار کیا اور کہا کہ سب کی عزتیں سانجھی ہیں اور اس قسم کی بیان بازی نہیں ہونی چاہیے تھی۔
سابق کپتان محمد یوسف نے بھی ایکس پر اپنا مؤقف دیتے ہوئے عبدالرزاق کے بیان کو شرمناک قرار دیا۔ان کا کہنا تھا کہ عبدالرزاق کو فوری معافی مانگنی چاہیے۔
As a cricketer I feel sorry that Abdul Razzaq made comments about Indian actress in a media talk. I hope he will be ashamed of what he said and apologize.
— Mohammad Yousaf (@yousaf1788) November 14, 2023
عبدالرزاق کے بیان پر پاکستان اور بھارتی میڈیا نے ان پر اور ان کے ساتھ ہنسنے والوں پر تنقید کی۔
کرکٹر کے اس بیان پر سوشل میڈیا صارفین میں ایک نئی بحث چھِڑ گئی ہے۔ کچھ کے نزدیک اس بیان میں ایسی کوئی غلط بات نہیں ہے اور کچھ کہ رہے ہیں یہ نازیبا بات ہے کسی بھی خاتون کے متعلق ایسا نہیں کہا جاسکتاکہ اس کی اولاد کیسی ہوگئی۔
یاد رہے کہ کرکٹر عبد الرزاق نے ایشوریا کے متعلق بیان دیا تھا کہ اگر کسی کی نیت ہو کہ اشوریا سے نیک بچہ پیدا ہو تو یہ ممکن نہیں ہے۔
ایسے میں عبدالرزاق کے کچھ پرانے بیانات کو بھی شئیر کیا گیا ایک میں وہ اسٹیج کی مشہور ڈانسر دیدار سے اپنی دوستی کا ذکر کر رہے تھے۔
خیال رہے کہ سابق کرکٹر عبدالرزاق کا شمار پاکستان کے بہترین آل راؤنڈرز میں ہوتا تھا۔ وہ پاکستان کے لیے 265 ایک روزہ میچز، 46 ٹیسٹ اور 32 ٹی ٹوئنٹی میچز کھیل چکے ہیں۔
وہ 1999، 2003، 2007 اور 2011 ورلڈ کپ اسکواڈز کا حصہ بھی رہ چکے ہیں۔ اس کے علاوہ وہ ٹی ٹوئنٹی ورلڈ کپ کے 2009، 2010 اور 2012 ایڈیشنز میں پاکستان کی نمائندگی کر چکے ہیں۔
