بی ڈی ایس فائنل پروفیشنل سالانہ امتحانات کے نتائج کا اعلان کر دیا گیا

(ڈیلی پوائنٹ) بی ڈی ایس فائنل پروفیشنل سالانہ امتحانات کے نتائج کا اعلان کر دیا گیا۔ یو ایچ ایس کے زیر اہتمام 17 ڈینٹل کالجز کے 880 امیدواروں نے امتحان دیا۔ 659 پاس جبکہ 214 فیل ہوئے،کامیابی کا تناسب 75.49 فیصد رہا ہے۔
نشتر انسٹیٹیوٹ ملتان کی سیدہ دشکہ زہرا کی 695 نمبروں کیساتھ پہلی پوزیشن ہے۔ فیصل آباد کی کشف قاسم نے694 نمبروں کے ساتھ دوسری پوزیشن حاصل کی۔ لاہور میڈیکل اینڈ ڈینٹل کالج کی آمنہ احمد عزیز کی692 نمبروں کیساتھ تیسری پوزیشن ہے۔
ڈاکٹر آف فزیکل تھراپی سیکنڈ پروفیشنل سالانہ امتحانات کے نتائج کا بھی اعلان کر دیا گیا۔
18 کالجوں کے 454 امیدواروں نے امتحان میں حصہ لیا ہے۔ 298 پاس، 156 فیل ہوئے ،کامیابی کی شرح 65.64 فیصد رہی ہے۔ بختاور امین کالج ملتان کی زینب افتخار کی 769 نمبروں کے ساتھ پہلی پوزیشن ہے۔ لاہور میڈیکل اینڈ ڈینٹل کالج کی رحما خان کی 763 نمبروں کے ساتھ دوسری پوزیشن ہے۔
بختاور امین کالج ملتان کی زرتاج زہرہ نے 757 نمبرلے کر تیسری پوزیشن حاصل کی.
تمام نتائج یونیورسٹی آف ہیلتھ سائنسز کی ویب سائٹ پر دیکھے جا سکتے ہیں.