بالی ووڈ ادکارہ نتاشا اورہاردک پانڈیا کے درمیان طلاق ہوگئی

کراچی ( ڈیلی پوائنٹ ) بالی ووڈ اداکارہ نتاشا اور بھارتی کرکٹ ٹیم کے نائب کپتان ہاردک پانڈیا کے درمیان علیحدگی کی خبریں سوشل میڈیا پر گردش کرنے لگیں۔
بھارتی میڈیا کے مطابق ہاردک پانڈیا اور اداکارہ نتاشا (Natasa Stankovic) کی علیحدگی کی خبروں نے اُس وقت جنم لیا جب مداحوں نے دیکھا کہ نتاشا نے اپنے آفیشل انسٹاگرام ہینڈل سے پانڈیا کا نام ہٹا دیا ہے۔
اس سے قبل انسٹاگرام پر نتاشا اپنا نام نتاشا اسٹینکووچ پانڈیا لکھتی تھیں، صرف یہی نہیں اداکارہ نے اپنے ہینڈل سے پانڈیا اور اپنی چند تصاویر بھی ڈیلیٹ کردی ہیں۔
دوسری جانب سوشل میڈیا ویب سائٹ ریڈٹ پر ایک صارف نے پوسٹ شیئر کی جس میں لکھا تھا کہ نتاشا اور ہاردک پانڈیا کے درمیان علیحدگی کی قیاس آرائیاں کی جارہی ہیں کیونکہ دونوں کچھ عرصے سے ایک دوسرے کے لیے سوشل میڈیا پر کوئی اسٹوری یا پوسٹ شیئر نہیں کررہے۔
پوسٹ میں کہا گیا کہ نتاشا نے اپنے انسٹاگرام ہیںڈل سے پانڈیا کا نام بھی ہٹا دیا ہے جبکہ 4 مئی کو نتاشا کی سالگرہ پر بھی ہاردک پانڈیا کی جانب سے کوئی پوسٹ یا اسٹوری شیئر نہیں کی گئی۔
صارف نے کہا کہ انڈین پریمیئر لیگ (آئی پی ایل) کے دوران بھی نتاشا نے اپنے شوہر ہاردک پانڈیا کی سپورٹ میں کوئی پیغام جاری نہیں کیا اور نہ ہی اُنہوں نے پانڈیا کے کسی بھی میچ میں شرکت کی۔
پوسٹ کے مطابق نتاشا نے انسٹاگرام سے اپنی اور پانڈیا کی تمام تصاویر کو ڈیلیٹ کردیا ہے، سوائے اُن تصاویر کے جس میں اُن کا بیٹا اُن کے ساتھ ہے۔
ہاردک پانڈیا اور نتاشا کی علیحدگی کی خبروں پر مداح مایوس نظر آرہے ہیں اور اس جوڑی کی جانب سے خبر کی تردید یا تصدیق کا انتظار کررہے ہیں۔
واضح رہے کہ ہاردک پانڈیا نے مئی 2020 میں ممبئی کی ایک عدالت میں اداکارہ نتاشا سے شادی کی تھی اور گزشتہ سال فروری میں پانڈیا نے دوبارہ نتاشا سے شادی کی تھی، اس جوڑی کا ایک بیٹا بھی ہے۔