لاہور(ڈیلی پوائنٹ ) بنگلہ دیش پریمیئر لیگ (بی پی ایل) کی فرنچائز فارچیون باریسل نے پاکستانی آل راؤنڈر شعیب ملک پر میچ فکسنگ کے الزام کو بے بنیاد قرار دے دیا ہے۔
سوشل میڈیا پوسٹ کے ذریعے یہ دعویٰ کیا جا رہا ہے کہ مبینہ طور پر فکسنگ کے شبے کے بعد شعیب ملک کا فارچیون باریسل سے کنٹریکٹ ختم ہوا۔
باریسل ٹیم کے میڈیا مینجر سکندر نے رابطے پر شعیب ملک کے حوالے سے بنگالی میڈیا کے دعوے اور اطلاعات کو بے بنیاد قرار دیا ہے۔
میڈیا مینجر سکندر کا موقف ہے کہ شعیب ملک 6فروری کو دوبارہ آکر کھیلنے کے خواہش مند تھے لیکن ان کی اس تجویز کو قبول نہیں کیا گیا جس کے بعد باہمی رضامندی سے معاہدہ ختم ہوا۔
شعیب ملک نے میڈیا رپورٹس کو غلط ٹھہراتے ہوئے کہا ہے کہ پہلے سے طے ذاتی مصروفیات کی وجہ سے دبئی میں ہوں، واپسی جاکر کھیلنا چاہتا تھا لیکن لیگ انتظامیہ راضی نہیں ہوئی، باقی سب باتیں بکواس ہیں۔
واضح رہے کہ شعیب ملک نے ایک اوور میں تین نو بولز کروائی تھیں جس کے بعد سوشل میڈیا پر میچ فکسنگ کے الزامات لگائے جا رہے تھے۔
بی پی ایل،1 اوور میں3 نوبالزمیچ فکسنگ قرار؟
