لاہور( ڈیلی پوائنٹ )بھارتی ریاست اترپردیش کے ضلع ہتھراس کے ایک گاؤں میں مذہبی تقریب کے دوران بھگدڑ مچنے سے ہلاک ہونے والے افراد کی تعداد 121 ہو گئی ہے۔
بھارتی حکام کے مطابق بھگدڑ مچنے سے درجنوں افراد زخمی ہوگئے جبکہ ہلاک ہونے والوں میں ایک بڑی تعداد خواتین کی ہے۔
مقامی خاتون کے مطابق یہ تقریب مقامی ہندو گرو کے اعزاز میں منعقد کی گئی تھی۔
پولیس کے مطابق اس تقریب میں شرکت کےلیے لوگوں کی ایک بڑی تعداد جمع تھی، بھگدڑ مچنے کی وجہ لوگوں کی غیر معمولی تعداد تھی۔
واقعہ کے بعد یوپی کے وزیرِ اعلیٰ یوگی ادیتیا ناتھ نے مرنے والوں کے لواحقین سے دلی ہمدردی کا اظہار کیا۔
مذہبی تقریب میں بھگڈر سے ہلاکتوں کی تعداد121 سے بڑھ گئی
