(ڈیلی پوائنٹ) میکسیکو کے ایک ریسٹورینٹ میں فیملی نےکھانے کا بل نا دینے کے لیے پلیٹوں میں لال بیگ ڈال دیے.یہ واقعہ گواڈالاجارا میں واقع پورٹو چیلے ریسٹورینٹ میں پیش آیا. جہاں ایک فیملی نے کھانے کا بل نا دینے کے لیے انوکھی ترکیب سوچی اور اپنے ہی کھانے میں میں کاکروچ ڈال دیے.
غیر ملکی خبر رساں ادارے کی رپورٹ کے مطابق اس فیملی کو سی سی ٹی وی کی مدد سے پکڑا گیا جو اپنی پلیٹوں میں لال بیگ ڈال رہے تھے۔ہوٹل انتظامیہ نے سوشل میڈیا پر فراڈ کرنے والی فیملی کی نشاندہی کی اور ویڈیو شیئر کردی جس میں فیملی نے پہلے اپنے کھانے میں کاکروچ ڈالے اور پھر ریسٹورینٹ حکام سے اصرار کیا کہ ان سے بل نہ لیا جائے۔
فیملی کے شور پر ہوٹل انتظامیہ گھبراگئی اور کھانے میں لال بیگ دیکھ کر بل نہ لیا اور اس فیملی کو جانے دیا۔بعدازاں جب حکام نے سی سی ٹی وی فوٹیج دیکھی تو اس میں یہ فیملی مہارت اور چالاکی سے خود لال بیگ پلیٹوں میں ڈال رہی تھی۔یہ فیملی چار افراد پر مشتمل تھی جس نے پہلے کھانا انجوائے کیا اور پھر یہ چلاکی کی.
