جی سی یونیورسٹی لاہورکےملازمین میں عمرہ پیکیج کی قرعہ اندازی

(ڈیلی پوائنٹ) جی سی یونیورسٹی لاہورکےملازمین میں عمرہ پیکیج کی قرعہ اندازی کی گئی ہے جس میں3گزٹڈ اور 3 نان گزٹڈ ملازمین کے ناموں کا اعلان کیا گیا.جی سی یونیورسٹی لاہور کے ملازمین میں عمرہ پیکیج کی تقسیم کے لیےیونیورسٹی مسجد میں قرعہ اندازی کا انعقاد کیاگیا۔
وائس چانسلر پروفیسر ڈاکٹر شازیہ بشیر نے ناموں کی قرعہ اندازی کی۔ قرعہ اندازی میں 3 گزٹڈ اور 3 نان گزٹڈ ملازمین کے ناموں کا اعلان کیا گیا۔ نان گزٹڈ سٹاف میں سکیورٹی گارڈ جاوید حسین شامل ہیں۔ لائبریری سٹاف محمد ذوالفقار اور لیبارٹری اسسٹنٹ فراصت علی شامل ہیں۔ اس کے علاوہ گزٹڈ سٹاف میں اسسٹنٹ پروفیسر صباء رحیم، ایڈیشنل رجسٹرار طاہر بشیر اور لیکچرر عمر سردار شامل ہیں۔