سونے کے بعد چاندی کی قیمتوں میں بھی بڑا اضافہ ہو گیا

کراچی(ڈیلی پوائنٹ)سونے کی قیمتوں میں اضافے کے بعد چاندی کی قیمت میں بھی بے پناہ اضافہ دیکھنے میں آیا ہے. بین الاقوامی بلین مارکیٹ میں فی اونس چاندی کی قیمت بڑھ کر 33.56ڈالر کی سطح پر آنے سے مقامی سطح پر چاندی کی فی تولہ قیمت 100روپے کے اضافے سے ملکی تاریخ میں پہلی بار 3450روپے کی نئی بلند ترین سطح پر پہنچ گئی۔
جبکہ دوسری جانب سونے کی قیمت میں آج معمولی کمی دیکھنے میں آئی ہے. جمعرات کو 24 قیراط کے حامل فی تولہ سونے کی قیمت 700روپے کی کمی سے 287200 روپے کی سطح پر آگئی اور دس گرام سونے کی قیمت بھی 600روپے کی کمی سے 246228 روپے کی سطح پر آگئی۔